Stemmi

Atraverso a stöia, o ghidon do Club Atlético Boca Juniors o l’à avuo çinque disegni diferenti.

O stemma, comme a bandea e o mariölo, o l’é fra i scinboli ciù inportanti do club. O l’é l’identitæ e o nomme pròpio de ‘na stöia longa ciù de çent’anni; i nòstri coî sbandêtæ in ògni recanto do mondo.

1920

O primmo stemma o l’é stæto dêuviòu da-o 1922 a-o 1955

O primmo stemma o l’é stæto dêuviòu da-o 1922 a-o 1955. O gh’aveiva a sigla ‘CABJ’ giana e bleu in sciô sfondo gianco, e a striscia giana ascì in orizontale.


I sette titoli do periodo amateur:
1919 | 1920 | 1923 | 1924 | Coppa d'Önô 1925 | 1926 | 1930. Into profescionismo:
1931 | 1934 | 1935 | 1940 | 1943 | 1944 | 1954.

1955

Con l’oufeuggio

Pe-i çinquant’anni do club se gh’é dæto recatto a l’estetica do stemma, pe colegala a quella do mariölo. S’é incizo a sigla in neigro in sciâ striscia giana e s’é azonto doî rammi d’oufeuggio pe festezâ e vitöie.

1960

Nomme intrego

Durante o decenio 1960 l’é spario l’oufeuggio do çinquantenaio e, co-o nomme intrego in sciâ striscia giana, se gh’é azonto l’òrlo neigro pe destacâ a forma do stemma.

1970

Ina stella pe ògni scudetto

Durante o decenio 1970 emmo refæto o ghidon e, pe-a primma vòtta, l’é stæto incluzo e stelle: unn-a pe ògni titolo. A novitæ, tanto ben riçevua, a l’ea l’iniçiativa do prescidente Alberto J. Armando. L’é ritornòu a sigla, e o contorno o l’é stæto rinforsòu da-a riga giana.

1996

E ciù stelle

L’urtima vòtta che se gh’é dæto recatto a-o disegno, de la d’avei fæto in mòddo che ghe stesse e stelle di decenni preçedenti, l’é spario a striscia giana, e a sigla do nomme do club a l’é vegnua ciù gròssa e ciù vixibile.

2012

Urtimo reneuvo

Atraverso l’Asenblea, segondo i requixiti legali, durante òtôbre do 2012 o Boca Juniors o l’à azonto a çinquantadoexima stella, òtegnûa co-a Coppa Argentinn-a. O resto do stemma o l’é arestòu inalteròu.