Inno

A marcia do Boca Juniors a l’é nasciua do 1926, creâ da-o Victoriano "Toto" Caffarena, l’unico tifozo a parteçipâ da memorabile tournée do 1925. O Caffarena o gh’à domandòu a-o Ítalo Goyeche ch’o conponesse ‘n inno pe-o Boca, e coscì o l’à fæto. A marcia a l’é stæta ezegoîa pe-a primma vòtta in caza do mæximo Caffarena, con l’interpretaçion a-o piano de unn-a de seu seu. O segoente passo o l’é stæto l’azonzighe di versci; e o l’à fæto o scritô Jesús Fernández Blanco. A marcia a l’é stæta ezibia in publico pe-a primma vòtta do 1928, inte ‘n ristorante a-o pòrto de La Boca, dòppo ‘na partia tra o Boca e a squaddra britanica Motherwell, quande a Naçionale argentinn-a, ch’a l’aveiva parteçipòu a-i Zeughi d’Amsterdam e ch’a l’aveiva vinto a medaggia d’argento, a l’é ritornâ a Buenos Aires. Inte quella squaddra gh’ea quattro zugoei do Boca: Ludovico Bidoglio, Roberto Cherro, Domingo Tarascone e Segundo Médici.

A l’epoca, o zeugo do balon o l’ea visto comme spòrt da gentilòmmi. Coscì l’ea stæto premisso da Sir Alexander Watson Hutton, promotô de questo spòrt into nòstro Paize, arivòu d’in Inghiltæra. Però, l’inno do Boca o l’à cangiòu quella conceçion con di riferimenti a-i conbatimenti in sciô canpo da bataggia, aconpagnòu da-o ritmo de ‘na marcia militare.

Tèsto

Boca Juniors; Boca Juniors;
Grande canpion do zeugo do balon,
ch’o ne fa adesciâ in sciô petto
entuxasmo, amô e fede
A teu bandea de bleu e d’öo
in Ouröpa a l’à sventolòu
comme insegna vinsente
a ògni pòsto dov’a l’à lotòu.

Ritornello:
Boca o l’é o nòstro crio d’amô
Boca o no temme mai de lotâ,
Boca o l’é entuxasmo e valentixe,
Trionfa, Boca Juniors!
Con l’insegna da vitöia
ch’a l’é d’öo into çê bleu,
in sciô canpo s’entuxasma
a nòstra fòrte zoventù
I teu coî n’açendan
vegio Boca vinsitô
e in scî canpi da conbatimento
o l’é gloiozo o teu penon.

Ritornello:
Boca o l’é o nòstro crio d’amô
Boca o no temme mai de lotâ,
Boca o l’é entuxasmo e valentixe,
Trionfa, Boca Juniors!

Tèsto: J. Fernandez Blanco, Muxica: Italo Goyeche

  • Audio