Primma fra e squaddre do mondo18 titoli internaçionali

  • 1977

    Copa Libertadores

    Comandòu da-o Juan Carlos Lorenzo e co-ina mitica squaddra, o Boca o goâgnâva o seu primmo titolo internaçionale contra o Cruzeiro a Montevideo; e a nasceiva a lezendia.

  • 1977

    Copa Intercontinental

    A squaddra do “Toto” Lorenzo a l’arivava in çimma a-o mondo co-o patâ 2–2 inta “Bombonera” e co-o sconfizze o Borussia Mönchengladbach in Germania.

  • 1978

    Copa Libertadores

    A squaddra sòlida e destrutiva, ch’a l’aveiva ancon o Lorenzo da tecnico, a dimostrava de meitâ i seu trofei contra o Deportivo Cali (0–0 e 4–0) e a l’ea o canpion de Americhe pe-a primma vòtta.

  • 1989

    Supercopa

    O Boca o ritornava in primmo cian a-o mondo co-o goâgnâ a Supercopa 89, o torneo ch’o riuniva i vinsitoî da Libertadores. L’ea a-i casci de rigô (5–3), dòppo doî incontri 0–0 con l’Independiente.

  • 1990

    Recopa Sudamericana

    O Boca, vinsitô da Supercopa, o s’inponeiva pe 1 a 0 a Miami in sce l’Atlético Nacional de Medellín, canpion da Libertadores 89. Coscì a segonda ediçion de questa coppa a l’ea seu.

  • 1992

    Copa Master

    In scî atri vinsitoî da Supercopa (Racing, Cruzeiro e Olimpia), o Boca o l’arestava padron do titolo disputòu a Buenos Aires, sconfito i brazilien pe 2 a 1.

  • 1993

    Copa de Oro Nicolás Leoz

    O Boca o consegoiva a primma ediçion de questa coppa ch’a meteiva in zeugo i quattro vinsitoî di tornei continentali de l’anno preçedente.

  • 2000

    Copa Libertadores

    Sotta a-a goidda do Carlos Bianchi, o Boca o conquistava torna e Americhe vintidoî anni dòppo, inte ‘na çelebre finale a-i rigoî co-o Palmeiras (2–2 e 0–0) a-o stadio Morumbí de São Paulo, in Brazî.

  • 2000

    Copa Intercontinental

    O Boca o consegoiva a segonda Coppa do Mondo co-o trionfo pe 2 a 1 in sciô potente Real Madrid da Spagna, a Tokyo, con doî gòl do Martín Palermo.

  • 2001

    Copa Libertadores

    O Boca o l’ea ancon in sciâ stradda de vitöie, e coscì o l’arivava a-o segondo “bicampeonato” de Americhe co-o vinse o Cruz Azul (1–0 in Mescico e 0–1 inta “Bombonera”) inte ‘na finale da infarto.

  • 2003

    Copa Libertadores

    O Carlos Bianchi o ritornava quell’anno a-o club pe incomensâ o periodo inta megio mainea. O Boca o vinseiva e urtime sette partie unn-a dòppo l’atra, incluzo a finale contra o Santos in Brazî, e o l’azonzeiva a-a seu coleçion a chinta coppa.

  • 2003

    Copa Intercontinental

    Ancon in atro gigante mondiale comme o Milan o l’arestava in zenogge davanti a-o Boca do Bianchi a Yokohama, in Giapon, pe 1 a 1 a-i 90 menuti, e inte l’apascionante definiçion a-i rigoî.

  • 2004

    Copa Sudamericana

    O Boca o continoava in sciâ stradda bonn-a e o pigiava a primma Sudamericana into sconfizze i bolivien do Bolívar. Comme alenatoî, o torneo o comensava co-o Miguel Brindisi e o finiva co-o Jorge Benítez.

  • 2005

    Recopa Sudamericana

    O Boca do Alfio Basile o partiva con sucesso, davanti a-i colonbien de l’Once Caldas (canpion da Libertadores), co-o trionfo 3–1 e a cheita 2–1 da òspite.

  • 2005

    Copa Sudamericana

    O Boca o difendeiva con sucesso o titolo da-i mescichen de Los Pumas, inte ‘n’atra çelebre finale a-i casci de rigô (1–1 segge chi che lasciù, e 4–3), protagonizâ da-o portê Roberto Abbondanzieri.

  • 2006

    Recopa Sudamericana

    O Boca do Basile o serava quello periodo indoòu co-in’atra festa internaçionale, davanti a-o São Paulo, canpion da Libertadores: 2–1 a La Boca e 2–2 in Brazî.

  • 2007

    A sesta coppa

    Comandòu da-o Miguel Russo, o Boca o conquistava torna e Americhe co-o protagonismo de Riquelme, Palermo e Palacio. Ancon festa in Brazî, davanti a-o Grêmio, dòppo avei vinto pe 3–0 e pe 2–0.

  • 2008

    Recopa Sudamericana

    O Boca, vinsitô da Libertadores, a Sarandí e pe 3 a 1 o bateiva l’Arsenal, ch’o l’ea in posesso da Sudamericana; e dòppo o 2–2 a caza o se consacrava canpion. L’alenatô o l’ea o Carlos Ischia.